Journal La Nation : « La Nation » le quotidien d'informations et d'actualités, est un journal quotidien de 16 pages minimum au format standard des quotidiens Nationaux de la place. Elle est déjà sur le marché, présente à Antananarivo et dans les provinces.

Edition du

04/06/2015
N° 895

 

Recherche Journal

Nitondra ny heviny manoloana ny zava-nisy eto amin’ny firenena amin’izao fotoana izao ireo mpitarika ny Sendikan’ny mpiasam-panjakana ambony eto Madagasikara. Ho azy ireo dia ny tsy fisian’ny fiaraha-midinika eo amin’ny samy Malagasy mialoha ny naanatanterahana ireo fifidianana natao teto amin’ny tamin’ny taona 2013 no nahatonga izao olana izao.

Mbola resabe any anivon’ny fiaraha-monina any amin’ny distrikan’i Toliary II ny fahafantarana fa misy orinasa mangataka fazoan-dalana hitrandraka fasimainty any amin’iny faritra iny. Mizara ny hevitry ny mponina any an-toerana. Misy ireo mihevitra fa làlana iray hitondra any amin’ny fampandrosoana ny faritra ny fisian’izany orinasa izany any an-toerana. Misy kosa ireo izay mahita fa tandindomin-doza ny fiarian-karena sy ny tontolo iainana ary fomba amam-panao maha izy azy iny faritra iny noho ny fisian’ity fitrandrahana fasimainty ity. Tamin’ny fanadihadiana natao tany amin’ny kaomina Tsihanisiha sy Ankilimalinika no nahafantarana fa mampiaka-peo, amin’izao fotoana izao, ny tambajotram-pokonolona izay mitaky amin’ny fitondram-panjakana ny mbola tsy hanomezana fazoan-dalana hitrandrahana fasimainty any amin’izany faritra izany. Mitaky ny hisian’ny fifampiraharahana mivantana eo amin’ny fokonolona sy ny mpandraharaha ary ny fitondram-panjakana izy ireo, mba ialàna amin’ny ahiahy rehetra momba izany fitrandrahana izany.

Efa hatramin’ny taona 2001 no nahitan’ity orinasa ity fa misy fasimainty “rutil” ary “zircon” azo trandrahana ao amin’ny faritra atao hoe Andranobe any Toliary II. Nahazo alalana hanao fikarohana momba izany izy ireo ary ny volana mai 2012 no nahazo alalana hitrandraka. Mbola miandry ny fazoan-dalana ara-tsôsialy sy ara-tontolo iainana kosa anefa ny oeinasa amin’izao fotoana izao. Arak’izany, mbola tsy mandeha ny fitrandrahana amin’izao fotoana izao.

“Sampandraharaha tsy miaro ny mpiasa amin’ny antsonjay ataon’ny mpampiasa amin’ny fahazoana ny fiahiana ara-tsosialy ny mpiasa io Cnaps aty aminay io, fa natao hiaro ny tombontsoan’ny mpampiasa sy ny ‘patron’ fotsiny no hijoroany...”. Izay no fitarain’ireo mpiasa naneho ny heviny mikasika ny zava-nanjo azy ireo noho ny olana nosedrainy. Ramatoa iray niasa 25 taona tamina trano fandraisam-bahiny iray tao Maroantsetra no isan’ny niala maina na teo aza ny tea aza bt taona maro niasany talohan’ny fisotroan-dronono. Tsy nisy fiarovana azy sy fanampiana azy nataon’ny Cnaps tao an-toerana, ny fanilikilihina azy sy ny “miverena isan’andro” no hany azony raha mitaraina sy mangatam-panazavana izy.

Naneho ny heviny mikasika ny toe-draharaha eto amin’ny tany sy ny firenena ny HVM Atsimondrano tamin’ny alalan’i Pianina Razafy, mpitondra teny. “Tsy fotoana fambolena korontana intsony izao. Tsy izany ihany fa efa manakaiky antsika ireo firenena mpamatsy vola ka manana fitokisana lehibe amintsika. Misy karazan’olona te hanakorontana noho ny fikatsahany ny tombotsoany manokana fotsiny mantsy, ka mamorona fa tsy mahavita ny andraikiny ny filoha ankehitriny”, hoy Pianina Razafy mpitondra teny .

Mandalo eto Madagasikara amin’izao fotoana izao ny filohan’ny Fiangonana Orthodoxe, n any Patriarikan’i Alexandrie sy Afrika manontolo, ny Pape Patriarika Theodore II. Isan’ny nandray azy ny Filoham-pirenena Hery Rajaonarimampianina. Teny amin’ny lapam-panjakana teny Iavoloha no nihaonan’ny roa tonta. Araka ny fampitam-baovao dia ny asa rehetra ataon’ny fiangonana Ortodoxe eto Madagasikara ka atolotra manontolo ho amin’ny firenena Malagasy sy ny vahoaka ao anatiny no iray amin’ireo teboka niompanan’ny resaka nifanaovan’ny roa tonta.

Manamarika ny faha 10 taonan’ny fiaraha-miasan’ny Faritra Alaotra Mangoro sy ny Deparitemanta Illes et Vilaine. Ho an’ny andaniny sy ny ankilany dia fahombiazana no azo tamin’izany fiaraha-miasa izany. Isan’ireny ny firoboroboan’ny sehatry ny fiompiana omby vavy be ronono sy ny sehatry ny fizahan-tany. Manodidina ny 1500 ny omby vavy be ronono ary 250 zanak’omby misy any amin’iny faritra iny tamin’ny taona lasa, vokatry ny tetikasa niarahan’ny roa tonta. Liana amin’ny fanatsarana ny tarak’omby vavy ny mpiompy any an-toerana saingy ireo tekinisianina indraindray no tsy maharaka ny filàn’ireo mpiompy.

Nikarakara fifaninanana hiram-pirenena, Ry tanindrazanay malala, ny fandaharanasa R.I.S.E. iarahan'ny Rio Tinto sy ny Pacte Madagascar any Taolagnaro.

Raha fahiny, tarehy ratsy no asetrin’ireo tsy afa-po amin’ny zavatra iray, ankehitriny, fihetsika mamohafady mihitsy no ataon’ny sasany.

Tontosa ny fitsarana an’Andriamilanto Razafimahatratra na i Lanto, ilay ben’ny tanana teo aloha tao amin’ny kaomina ambanivohitra Manambaro any amin’ny distrikan’i Taolagnaro.