Ny famatsiam-bola no tena olana

18/10/2012

Tontosaina etsy amin’ny hotely Carlton nanomboka omaly ny atrikasa iraisalm-pirenena ho an’ny vehivavy mpandraharaha aty amin’ny faritry ny ranomasimbe indianina. Vehivavy tompona orinasa sy mpiaraiombon’nantoka amina orinasa avy aty amin’ny faritry ny ranomasimbe indianina sy avy amina firenena afrikanina vitsivitsy no mandray anjara amin’ity atrik’asa ity. Nambaran”izy ireo fa iray amin’ireo olana isan’ny lehibe indrindra amin’ireo sedrain’ny vehivavy mpandraharaha amin’izao fotoana izao ny tsy fisian’ny famatsiam-bola ahafahany manatsara ny orinasany.

I Madagasikara no firenena voalohany mampiatrano ny fikaonandohan’ireo vehivavy mpandraharaha na tompona orinasa aty amin’ny faritry ny ranomasimbe Indiana. Vehivavy manana orinasa na koa mpiara-miombon’antoka amina orinasa aty amin’ity faritra ity, sy ireo avy amina firenena vitsivitsy any Afrika no mandray anjara amin’izany fikaonandoha izay haharitra roa andro ary nanomboka omaly tao amin’ny hotelt Carlton izany. Ny EFOI MADA (entreprendre au feminine ocean Indien Madagascar) no angady nananana sy vy nahitana izao hetsika izao. Rafitra izay tohanan’ny komision’ny Ranomasimbe Indiana., ary ivondronan’ireo vehivavy mpandraharaha amin’ireo firenena mandrafitra izany komisiona izany dia I Madagasikara, ny Nosy Maorisy, lafrantsa amin’ny alalan’ny Nosy La Réunion, Seychelles, ary ny vondron’ny Nosy Comores.
Tanjon’ny atrikasa ny mba hisian’ny fifanakalozana traikefa sy ny serasera eo amin’ny samy vehivavy mpandraharaha aty amin’ny faritry ny ranomasimbe Indiana. Eo ihany koa ny fikatsahana fiaraha-miombonantoka eo amin’izyireo sy ny fanamafisana ny fiarahamiasa eo amin’ny vehivavy mpandraharaha aty amin’ity faritra ity. Mbola isan’ny tanjona ihany koa araka ny nambaran’ny filohan’izany rafitra izany ny ahafahan’izy ireo manamafy ny fangatahana izay mety hatao amin’ireo sehatra samihafa toy ny governemanta sy ny mpiara-miombonantoka.
Marihina fa efa tamin’ny taona 2007 no nitsangana ny EFOI MADA. Fanampiana ireo vehivavy mpandraharaha amin’ny fandraharahana izay ataony no tena imasoany. Mahatratra 150 ireo mpikambana ao aminy amin’izao fotoana izao. Ahitana ireo mpikambana ireo faritra toa an’Analamanga, Vakinankaratra, Matsiatra Ambony, Anosy Boeny, Antsinanana ary Atsimo andrefana. Mpikambana amin’ny tambajotra iraisam-pirenena momba ny vehivavy mpandraharaha ihany koa ny EFOI MADA. Isan’ny ezaka efa nataony ny fanentanana ny vehivevy eo amin’ny sehatry ny fandraharahana, ny fikarakarana famelabelaran-kevitra manadrify ny fandraharahana ataon’ny vehivavy, ny fangatahana famatsiambola ho an’ny mpandraharaha vehivavy, ary ny fanohanana ara-teknika ny asa fandraharahana ataon’ny vehivavy.
Marihina fa hisy ny fanaovan-tsonia fiaraha-miasa avy amini’zao fihaonana atao eto Madagasikara izao.