Pelaka nikasa hanolana lehilahy mamo

15/10/2012

Niharan’ny fitsaram-bahoaka ny lehilahy iray voampanga ho nikasa hanolana lehilahy mamo tetsy 67 Ha ny alin’ny alakamisy faha-11 oktobra 2012 lasa teo ary vaky hatramin’ny fitaratry ny fiara nentiny raha ny loharanom-baovao azon’ny La Nation. Efa voavaha ny “braguette” ary efa niborotsaka mihitsy aza, araka ny loharanom-baovao azo ihany ny patalohan’ilay lehilahy mamo. Nisotrosotro teny amin’ny faritry 67 Ha iny ilay lehilahy, hoy ihany ny loharanom-baovao.

Niharan’ny fitsaram-bahoaka ny lehilahy iray voampanga ho nikasa hanolana lehilahy mamo tetsy 67 Ha ny alin’ny alakamisy faha-11 oktobra 2012 lasa teo ary vaky hatramin’ny fitaratry ny fiara nentiny raha ny loharanom-baovao azon’ny La Nation. Efa voavaha ny “braguette” ary efa niborotsaka mihitsy aza, araka ny loharanom-baovao azo ihany ny patalohan’ilay lehilahy mamo. Nisotrosotro teny amin’ny faritry 67 Ha iny ilay lehilahy, hoy ihany ny loharanom-baovao. Mamo tampona tanteraka izy nony alina ny andro ary tsy nanao hatao saran-dalana ndeha hody. Toa hoe nitady olona izay mba afaka hanatitra azy izy tamin’izay fotoana izay indrindra no nisy lehilahy iray nitondra fiarakodia tsara tarehy izany nanolo-tena hanatitra azy hody. Toa efa mailomailo izany anefa ireo tovolahy teo amin’ny manodidina ka nanenjika ilay fiara. Teo anoloan’ny sampanan-dalana mihazo ny lalam-baovao boulevard de l’Europe no nijanona ilay; toa hoe avy hatrany dia novahan’ilay mpamily ny fehikibo ary nampidininy ny patalohan’ilay mamo no tratran’ny olona nanaraka avy aoriana.
Trangam-piarahamonina nahazo vahana tato anatin’ny taona vitsy monja ity firaisana ara-nofo eo amin’ny samy lehilahy ity teto an-drenivohitra. Variana fotsiny mahita ireo tovolahy tena mbola tanora, manodidina ny 18 hatramin’ny 20 taona any amin’ireny trano fandihizana ireny, tafiditra amin’ity firaisana ara-nofo eo amin’ny samy lehilahy ity. Aretina ve izy ity sa fahasimban’ny fiaraha-monina noho ny fahantrana sy ny hetraketraky ny fanontoloana na ihany koa lamaody? Marina tokoa fa tsy vao izao akory no nandrenesana izany fiaraisana ara-nofo eo amin’ny samy lehilahy na samy vehivavy izany teto amintsika. Porofon’izany ireo mpivarotena lehilahy eny Tsaralalana sy manodidina an’Antaninarenina iny. Miha mahazo vahana anefa izany ary efa mivelatra eo amin’ny sehatra maro. Efa tsy vaovao ihany koa mantsy ny mahita tolotra firaisana ara-nofo eo amin’ny samy lehilahy na vehivavy any amin’ireny “internet” ireny; misy mihitsy aza ireo maneho ny sariny na ny ampahany amin’ny vatany.
Ny tsaokevitra aloha dia mbola tsy zakan’ny saina amam-panahin’ny Malagasy izany firaisana ara-nofo eo amin’ny samy lehilahy izany raha leferiny na mody leferiny ny samy vehivavy. Efa maro ny Malagasy niroso tamin’ny fanatontosana horonantsary porno saingy mbola nijanona teo amin’ny lahy sy vavy ihany izany. Mety tsy ho ela intsony raha izao no mitohy dia hahita “film porno” samy lehilahy gasy hamidy eny an-tsena. Nahazo vahana nandritra ity fitondrana Tetezamita ity tokoa mantsy ny resaka fidorohana sy fisotroana zava-pisotro mahamamo ary ny loka; nanome fahafahana malalaka ho an’ireo orinasa mpamokatra izany rahateo koa ny governemanta.