Dahalo fitolahy matin’ny fokonolona

15/10/2012

Nazoam-baovao ny hetsiky ny zandarmaria nasionaly nandritra iny faran’ny herinandro iny. Nahitam-bokany n any fisavana natao teny amin’ny lalam-pirenena, na ny firotsahana an-tsehatra tamin’ny fanenjehana ireo dahalo, ary ny fisavana teny an’ivon’ny fiaraha-monina. Basy sy bala ary fitaovam-piadiana hafa miampy ody gasy no isan’ireo tra-tehaka tamin’ireo hetsika ireo.

Nazoam-baovao ny hetsiky ny zandarmaria nasionaly nandritra iny faran’ny herinandro iny. Nahitam-bokany n any fisavana natao teny amin’ny lalam-pirenena, na ny firotsahana an-tsehatra tamin’ny fanenjehana ireo dahalo, ary ny fisavana teny an’ivon’ny fiaraha-monina. Basy sy bala ary fitaovam-piadiana hafa miampy ody gasy no isan’ireo tra-tehaka tamin’ireo hetsika ireo.
Tra-tehaky ny zandary nanao fisavana teny amin’ny lalam-pirenena fahafito tamin’ny, omaly alahady tokony ho tamin’ny roa ora maraina ny basy vita gasy miisa roa miaraka amin’ny bala (cartouche) caliber 12 izay samy mbola tsy nipoaka avokoa. Tao anaty sakaosy nentin’ny mpandeha tao ami,’ity fiarakodia ity no nahitana ireo fitaovampiadiana ireo. Tao Vinaninkarena, teo amin’ny PK 179 kosa no nanaovan’ny zandary izany sakana sy fisavana izany. Ny zandary avy ao amin’ny Brigade sy ny Brigade Sécurité Routière ao Antsirabe no nanao izany fisavana izany. Olona telolahy no voarohirohy ary tompon'ireo entana ireo izay efa samy tazomina atao famotorana ao amin’ny tobi-paritra na Borigadin'ny zandarmaria nasionaly ao Antsirabe
Mbola tao amin’ny faritr’i Vakinankaratra ihany, saingy tao amin’ny distrikan’i Mandoto, Kaominina Fidirana, fokontany Ankerana, vokatry ny fampandrenesana haingana ny Zandary ao Poste Avancé Fidirana dia tratran'izy ireo niaraka tamin’ny fokonolona ny dahalo fito lahy saika hangalatr’omby ny alahady 14 oktobra 2012, tokony ho tamin’ny 11 ora atoandro. Nisy ny fifandomana ka vokatr'izany dia maty daholo ireo dahalo 7 lahy, niaraka tamin’ny basy vita gasy roa sy antsy lava.
Teto amin’ny faritra Analamanga, nanatanteraka fisavana trano tao Ambatofotsy, distrikan'Antananarivo atsimondrano ny zandary avy ao Poste Avancé ao Ambatofotsy ny alahady 14 oktobra 2012 ihany tamin’ny 12 ora atoandro. Tao amin’ny tranon'i Ralidera Martin dit Rasta izay efa nigadra tao Tsiafahy ary voarohirohy amin’ny asan-jiolahy mahery vaika (braquage et acte de banditisme) no nanaovana izany fisavana izany. Nahatrarana rongony milanja1, 900 kg sy bala 9mm mbola tsy nipoaka miisa 8, pince coupante, barre pince, lampes de poche telo, TPH Nokia telo, cagoule telo, Porte lame scie à métaux, contacteur scooter tao amin’ity trano ity. Efa tazomina ao amin’ny Poste avancé ao Ambatofotsy ary atao famotorana ity lehilahy ity amin’izao fotoana izao miaraka amin’olona roa lahy mpiray petsapetsa aminy.