Journal La Nation : « La Nation » le quotidien d’informations et d’actualité, est un journal quotidien de 16 pages minimum au format standard des quotidiens Nationaux de la place. Elle est déjà sur le marché, présente à Antananarivo et dans les provinces.

Edition du

14/09/2013
N° 379

 

Recherche Journal

Archive Samihafa

Nankaiza ny vola saika hanaovana ny fivoriamben’ny Vondrona Afrikanina ?

10/01/2013

Mametram-panontaniana ny mpanara-baovao sasany amin’izao fotoana izao mikasika ny nampiasana ny vola saika hiatrehana ny fivoriaben’ny Vondrona Afrikanina teto Madagasikara. Araka ny loharanom-baovao dia vola mitentina 178 miliara ariary no azo tamin’ny BAD sy ny Vondrona Eropeana ho fanatanterahana izany fivoriana izany. Tsy fantatra anefa hatramin’izao ny nandehanan’izany vola izany. Tsy misy izay tsy mahafantatra fa i Madagasikara no firenena voafidy hampiantrano ny fivoriamben’ny Vondrona Afrikanina tamin’ny volana septambra tamin’ny taona 2009.

Efa lasa lavitra dia lavitra ny fiomanana mikasika ny fanatanterahana ny fivorian’ny Vondroa Afrikanina teto amintsika izay raha tsy hilaza afa-tsy ny fazoana vola mitentina 178 miliara ariary avy amin’ny BAD (Banque Africaine pour le développement) sy ny Vondrona Eropena isika. Iarahan’ny rehetra mahalala ihany koa anefa fa tsy tanteraka izany fivoriana izany taorian’ny fanonganam-panjakana nitranga teto amin’ny firenena sy ny tsy fankatoavan’ny Vondrona Afrikanina ny mpitondra Tetezamita. Mametram-panontaniana ary amin’izao fotoana izao ny mpanara-baovao mikasika ny nampiasàna ireo vola sy fitaovana toy ny fiarakodia izay efa azo tamin’izany. Satria hatreto dia mbola tsy nisy mihintsy fanazavana ôfisialy nataon’ny mpitondra fanjakana mikasika ny fisina na tsy fisian’ny vola azo ho fanatanterahana an’iny fivoriana iny sy ny nampiasana izany vola izany raha toa ka efa tafiditra tao anatin’ny kitapom-bolam-panjakana izany.
Marihina fa araka ny fahafantaran’ireo loharanom-baovao dia narotsaka tao amin’ny “recette générale” teto Antananarivo io vola mitentina 178 miliara avy amin’ny BAD sy ny Vondrona Eropeanina momba izay fanatanterahana ny fivoriamben’ny Vondrona Afrikanina teto Madagasikara izay. Samy milaza ny tsy mahafantatra ny nandaniana an’io vola io avokoa anefa ireo tompon’andraikitra amin’izao fotoana izao. Nambaran’izy ireo kosa fa efa tsy eo amin’ny toerany intsony amin’izao fotoana izao ireo rehetra izay tokony hanam-baovao momba izany.

A.Ranaivo
Tag :

Rehefa tsy hita nandritra ny telo andro, raha niala ny tranony I Rakotovao Rakotoson na I Saonina , monina ao ilanivato Anosipatrana ny marainan’ny asabotsy lasa teo araka ny nambaran’ny fianakaviany, dia ny fatiny no hita nanamo ...

Notanterahana ny tolakandron’ny alakamisy 12 septambra teo, tao amin’ny efitrano fivorian’ny minisiteran’ny Filaminam-bahoaka Anosy ny fanaovan-tsonia fiaraha-miasa eo amin’ny Polisim-pirenena Malagasy sy ny Komity iraisam-pirenen ...

Nanatanteraka atrik’asa omaly tolakandro tetsy amin’ny foiben’ny « Pacte » na vondrona manohana ny fifidianana amin’ny mangarahara izay etsy Ankorondrano, niarahana tamin’ny KMF CNOE na ny komity misahana ny fifidiana ...

Nivoaka tamin’ny fahanginany avokoa ireo kandidà nahiliky ny CES tsy ho isan’ireo mpihazakazaka amin’ny fifidianana filoham-pirenena kasaina hatao amin’ny faha-25 oktobra 2013 ho avy izao. Fotoana fohy taorian’ny namoahan’n ...

Naneho ny heviny momba ny fazoan’ny banky iray any Maorisy ny petra-bola 51% ao amin’ny banky BNI eto Madagasikara i Serge Zafimahova. Araka ny heviny dia fivarota-tanindrazana no nataon’ny fitondram-panjakana Malagasy tamin’ny na ...

Teratany maorisiana ny iray ary Indiana ny faharoa, Malagasy kosa ny fahatelo. Izy telolahy ireo no indray nosamborin’ny mpitandro filaminana avy ao amin’ny Polisim-pirenena ao Tsaralalana noho izy ireo voaroiroy amin’ny fampiasan ...

Raha ny fantatra dia voalaza fa efa tonga tao amin’ny tahirim-bolam-panjaka tao Antsirabe ireo vola karaman’ireo sefo fokontany. ...

Tonga eto Antananarivo, ary nanao fanambarana an-gazety ireo mpikambana ao amin’ny « Plateforme du Grand Melaky”. ...

Misedra olana indray amin’izao fotoana ireo mpandeha fiarakodia amin’iny lalam-pirenena faha-12A izay mampitohy an’i Tôlagnaro sy Vangaindrano iny. Izany dia vokatry ny fanararaotana ataon’ireo mpamily « bac » ia ...

Tamin’ny alalan’ny valan-dresaka ho an’ny mpanao gazety no nanambaran’I Rajosefa Andriantahina Haja tale iraisam-paritry ny Fiompiana any Toamasina fa tsy misy atahorana ny trondro izay amidy eny amin’ireo toerana nahazo alalana a ...