Maro ny mpitantana orin’asa liana

16/01/2013

Tsy ny vahoaka madinika ihany no tena mandeha mitady ny rariny eny amin’ireny toerana fitsaboana vintana amin’ny fomba nentim-paharazana ireny fa maro ihany koa ireo olona mitana andraikitra ambony sy be voninahitra eo anivon’ny fiaraha-monina. Ka ireo mpitsara sy manamboninahitra eo anivon’ny tafika no tena misongadina, araka ny fanadihadiana natao. Fa ao koa ireo mpitantana orinasa no tonga “manamboatra vintana” izay tena maro an’isa tokoa.

Raha araka ny voalaza dia “tonga mikatsaka hatrany izay ahatsara kokoa ny fiainany” no tena anton-dian’ireto farany any amin’ny mpitsabo vintana. “Ezaka ho fampidirana ny vola misimisy kokoa, fikatsahana fanondrontana toerana eo anivon’ny asa, fikajiana ny tsy hisian’ny sakatsakana amin’ny fananterahana ny asa”, no tena maro mpitaky amin’ireo tonga manantona fitsaboana nentim-paharazana. Ao koa anefa ny manana aretina sy ny tsy salama. Ny fitsaboana moa, izay marihina fa misy ny sarany, dia tsy mampiasa ireny fomba ara-tsiantifika ireny fa mianoka amin’ny fijerena ny firafitry ny vintana. Maro no toerana ahitana ity karazana fitsaboana ity, fa ny tena maro mpitsidika dia ny etsy Ambanilalana Itaosy. Vao efa-taona monja no nijoroan’ity toeram-pitsaboana etsy Ambanilalana Itaosy ity dia efa mibosesika ireo liana amin’ny vokatra harosony. Izany fitsaboana atao hoe “kabalistika” izany no tena fahaiza-manao mampalazana ny etsy Ambanilalana Itaosy. Karazam-pitsaboana nolovaina sy noratovina avy amin’ny taranaka Jiosy avy any Isiraely no ampiasaina. Mandaitra sy ahitam-bokany moa ny fitsaboana na dia vaovao aza, ka hany ka efa mipariaka eran’ny faritany maro sy any ivelan’ny nosy. Etsy Ambanilalana Itaosy moa dia an-jatony maro no efa nioty vokatra . Ity lehilahy iray monina etsy Itaosy izao dia tonga “hanamboatra ny fiainany rehefa in-droa lavo tamin’ny asa fitadiavana fanaony”. Mpivarotra ralehilahy ka efa very vola maherin’ny 5 tapitrisa tanatin’ny erin-taona monja. Very fanahy mbola velona ranamana ka sendra nifanena tamin’ny namana iray nanome laharan-taroby 0341719112 mba hitsabo sy hanoro hevitra amin’ny fanamboarana ireo fahalavoana. Raha araka ny nambaran’ity lehilahy ity dia efa manomboka miharina ny fitadiavana ataony ankehitriny vokatry ny fitsaboana natao tetsy Ambanilalana Itaosy. Tsapa araka izany fa manomboka mirona any amin’ny fitsaboana tsy mampiasa fomba siantifika indray ny Malagasy amin’izao fotoana.