Lafo 4 miliara miampy fiara Toyota V8 iray ilay safira 28g

12/10/2012

Mpitrandraka safira iray tany Ankilivalo any Sakaraha no nitsikin’ny vintana ka nahita ary nahalafo safira, afak’omaly. Niadivan’ny mpandraharaha Sri lankais ilay vato ka ny iray no nahazo izany tamin’ny vidiny 4 miliara Iraimbilanja (800 tapitrisa ariary) miampy fanomezana fiara Toyota 4X4 V8 vaovao iray. Nivaly ny fikirizan’I Tabio, satria izay no fiantso an’ity mpitrandraka safira azo lazaina fa madinika ity. Tany Sakaraha tao amin’ny toeram-ptrandrahana na kariera tao Ankilivalo no nitrandraka efa an-taonany maro ity ranamana ity.

Mpitrandraka safira iray tany Ankilivalo any Sakaraha no nitsikin’ny vintana ka nahita ary nahalafo safira, afak’omaly. Niadivan’ny mpandraharaha Sri lankais ilay vato ka ny iray no nahazo izany tamin’ny vidiny 4 miliara Iraimbilanja (800 tapitrisa ariary) miampy fanomezana fiara Toyota 4X4 V8 vaovao iray.
Nivaly ny fikirizan’I Tabio, satria izay no fiantso an’ity mpitrandraka safira azo lazaina fa madinika ity. Tany Sakaraha tao amin’ny toeram-ptrandrahana na kariera tao Ankilivalo no nitrandraka efa an-taonany maro ity ranamana ity. Atsimon’i Sakaraha no misy izany toerana izany. Efa nisy ihany fotoana nazahoany vokatra tamin’izany toerana izany saingy azo lazaina fa tsinontsinona ihany hatramin’izany. Amin’ny maha mpiady safira tsotra azy dia ireo mpanambola vahiny toy ny Sri lankais no mamatsy sakafo sy fitaovana ampiasainy nandritra ny taona maro.
Akory anefa ny fivadiky ny raharaha satria nahita vato manga milanja 28 grama i Tabio. Safira no hamaritany an’izany vato manga izany. Asa kosa anefa na nitovy amin’ny fahalalany izany ireo mpandraharaha Sri lankais tao Sakaraha fa raha vao vantany nahita sy nitily ity vato ity izy ireo dia samy nanao izay afany tamin’ny fividianana azy. Ilay mpanambola be tao amin’ny KALEEL Wold Gams ao Sakaraha sy ilay tompon’ny société SMAT no tena nifaninana hividy ilay safira. Iry voalohany moa no nahazo izany tamin’ny vidiny 4 miliara Iraimbilanja miampy Tyota 4X4 V8 iray mbola tsy nadia tany.
Marihina fa efa an-taonany izao no tsy nandrenesana loatra ny lazan’i sakaraha sy Ilakaka mikasika ny vidin’ny vatosoa mivoaka amin’izany faritra izany. Nisy mihintsy azan y vanim-potoana izay voalaza fa nampitotongana izay tsy izy ny vidin’ny vato tany an-toerana nohon’ny tsy fatsaran’ny kalitaon’ireo vato azon’ny mpitrandraka.
Tsy mponina avy ao Sakaraha ity nahazo harena tampoka ity. Araka ny loharanom-baovao dia mpiavy avy any amin’ny ilany atsimon’ny nosy ny tenany, ary ny hitrandraka safira no tena anton-diany tany Sakaraha.