65 miliara ariary no fatiantoky ny fanjakana

07/02/2013

Vola mitentina 65 miliara ariary no tsy tafiditra tao amin’ny kitapombolam-panjakana nohon’ny fandraisana fanampahan-kevitra namerana ny vidin-tsolika teto amintsika. Izay no nambaran’ny tale jeneralin’ny Ladoany, omaly, raha nilaza ny dingana vitan’ny ladoany Malagasy ny tenany. Nambarany ihany koa fa tsy lavitry ny manaram-penitra ny fadintseranana Malagasy taorian’ny fanaovazana goavana nataony nanomboma ny taona 2005, ka nametrahana ireo fitaovana hary fomba amin’ny fenitra iraisam-pirenena. Isan’ny nitondra faisana nohon’ny krizy teto Madagasikara nandritra izay efa-taona izay ny ladoany. Araka ny fanazavana nataon’ny tale jeneralin’ny ladoany Vola Razafindramiandra dia tsy nitsahatra nitontongana ny fidiram-bolam-panjakana tamin’ny alalan’ny fadintseranana na dia iaraha-mahalala aza fa tratra hatrany hatrany aza ny tanjona napetraka isan-taona. Tamin’ny taona 2012 dia nahatratra 65 miliara ariary ny vola tsy tafiditra teo anivon’ny fadin-tseranana, araka ny filazan’ny tale jeneralin’ny ladoany ihany.

Ny tsy nafahana nampiditra ny vola tokony ho azo avy amin’ny hetra mikasika ny fanafarana solika taminny taona 2012 no nahatonga izany. Nomarihany anefa fa fepetra noraisin’ny fanjakana tetezamita mba ahafahana mihazona ny vidin’ny solika eny amin’ny mpanjifa ka namadihana ho toy ny fanampiana ireo kompanian-tsolika izany hetra izany no tena antony nanafohanana azy.
Ankoatr’izay dia fantatra ihany koa fa nanavao ny fanaovana lavanty ireo entana tsy nisy mpaka tao aminy ihany koa ny fandintseranana Malagasy. “Manomboka izao dia tsy azo ampidirina ao amin’ny magazain’ny Antenimieran’ny varotra intsony ireo entana hatao lavanty. Mijanona eo amin’ny toerana misy azy: Mictsl, Smmc, Spat ireo entana rehetra hatao lavanty ireo. Ao anatin’izay anefa dia mahazo ny isan-jatony amin’ny lavanty ny Anteminieran’ny varotra mba ho fidiram-bolany”, hoy ny fanazavan’i Vola Razafindramiandra. “Nampitomboana ihany koa ny fampahalalana ny Malagasy rehetra mikasika ny lavanty izay hatao ary nasaina nanara-maso izany ihany koa ny Bianco mba hampangaraharaha ny lavanty. Ao anatin’ny roa volana izany dia ho vita lavanty avokoa ireo entana tsy naka nanomboka ny taona 2009 ka nihitsoka teo anivon’ny seranan-tsambon’i Toamasina”. Niova koa ny isan-jaton’ny lavanty ka raha 12% teo aloha, dia lasa 14% izany manomboka izao, ka ny 08% ho an’ny vadintany mpanao lavanty, 06% kosa ho an’ny sampandraharaha ny hetra Malagasy.