20/02/2013
Nivoaka tamin’ny fahanginany indray ireo mpianatra eny amin’ny anjerimanontolo eny Ankatso, rehefa tsy nandrenesam-peo nandritra ny herinandro maromaro. Mitaky ny handohavan’ny fitondrana tetezamita ny vatsim-pianarana enim-bolana mbola tsy voaloha hatramin ‘izao izy ireo, araka ny fanambarana nataony omaly. Nilaza ny tsy tompon’nantoka amin’izay mety hiseho izy ireo raha tsy tanterahan’ny fitondrana tetezamita izao fitakiana izao. Mihetsika indray ireo mpianatra eny amin’ny ambaratonga ambony. Mitaky ny handohavan’ny fitondram-panjakana tetezamita ny vatsim-pianarana tsy mbola voaloha hatramin’ny taom-pianarana 2011 – 2012 izy ireo.
Araka ny fanambarana nataon’ireto mpianatra ireto, omaly, dia mahatratra enim-bolana ny vatsim-pianaran’izy ireo tsy nalohan’ny fanjakana. Araka ny nambaran’ny solon-tenan’ny mpianatra dia tsy nisy afa-tsy vatsim-pianarana telo volana ihany no nomena azy ireo hatramin’izao raha sivy volana ny taom-pianarana. Mitaky ny hamoahan’ny fitondram-panjakana ny tetiandro mazava handohavany izany trosa izany ary ireo mpianatra eny Ankatso. Manome herinandro ny fitondrana izy ireo mba handraisany fanampahan-kevitra manadrify izany. Nambaran’izy ireo fa raha dila io fepotoana io dia tsy tompon’antoka amin’izao mety hiseho izy ireo.
Tsara ny manamarika fa ireo mpianatra avy eto amin’ny faritanin’Antananarivo no voalaza fa voakasik’ity olana amin’ny tsy fazahoana vatsim-pianarana ity. Nambaran’ireo izay nanao ny fanambarana omaly fa nahazo ampahany tamin’ny vatsim-pianaran’izy ireo ny mpianatra avy any amin’ny faritra hafa toy ny avy any Toamasina.
Tsy mbola hahazo fanendrena
Araka ny nambaran’ny tompon’andrikitra iray ao amin’ny fiadidiana ny oniversiten’Antananarivo dia ny fiovana fitantanana taorian’ny fifidianana ny filoha vaovao eny Ankatso no nahatonga ny fahataran’ny fanomezana ny vatsim-pianaran’ny mpianatra. Araka ny nambaran’ity tompon’andrikitra ity dia mbola tsy nivoaka hatramin’izao ny didim-panjakana manendry ireo mpitantana vaovao ao amin’ny oniversité. Marihina fa efa roa volana izao no nahavoafidy ireo mpitantana vaovao eny Ankatso ireo.
Tsara ny mampatsiahy fa efa nahavita ny taom-pianarana ny ankamaroan’ireo toeram-pampianarana eny Ankatso amin’izao fotoana izao, ary efa hiditra amin’ny taom-pianarana vaovao ihany koa ny sasany atsy ho atsy.
Rehefa tsy hita nandritra ny telo andro, raha niala ny tranony I Rakotovao Rakotoson na I Saonina , monina ao ilanivato Anosipatrana ny marainan’ny asabotsy lasa teo araka ny nambaran’ny fianakaviany, dia ny fatiny no hita nanamo ...
Lire la suite
Notanterahana ny tolakandron’ny alakamisy 12 septambra teo, tao amin’ny efitrano fivorian’ny minisiteran’ny Filaminam-bahoaka Anosy ny fanaovan-tsonia fiaraha-miasa eo amin’ny Polisim-pirenena Malagasy sy ny Komity iraisam-pirenen ...
Lire la suite
Nanatanteraka atrik’asa omaly tolakandro tetsy amin’ny foiben’ny « Pacte » na vondrona manohana ny fifidianana amin’ny mangarahara izay etsy Ankorondrano, niarahana tamin’ny KMF CNOE na ny komity misahana ny fifidiana ... Lire la suite
Nivoaka tamin’ny fahanginany avokoa ireo kandidà nahiliky ny CES tsy ho isan’ireo mpihazakazaka amin’ny fifidianana filoham-pirenena kasaina hatao amin’ny faha-25 oktobra 2013 ho avy izao. Fotoana fohy taorian’ny namoahan’n ...
Lire la suite
Naneho ny heviny momba ny fazoan’ny banky iray any Maorisy ny petra-bola 51% ao amin’ny banky BNI eto Madagasikara i Serge Zafimahova. Araka ny heviny dia fivarota-tanindrazana no nataon’ny fitondram-panjakana Malagasy tamin’ny na ...
Lire la suite
Teratany maorisiana ny iray ary Indiana ny faharoa, Malagasy kosa ny fahatelo. Izy telolahy ireo no indray nosamborin’ny mpitandro filaminana avy ao amin’ny Polisim-pirenena ao Tsaralalana noho izy ireo voaroiroy amin’ny fampiasan ...
Lire la suite
Raha ny fantatra dia voalaza fa efa tonga tao amin’ny tahirim-bolam-panjaka tao Antsirabe ireo vola karaman’ireo sefo fokontany. ... Lire la suite
Tonga eto Antananarivo, ary nanao fanambarana an-gazety ireo mpikambana ao amin’ny « Plateforme du Grand Melaky”. ... Lire la suite
Misedra olana indray amin’izao fotoana ireo mpandeha fiarakodia amin’iny lalam-pirenena faha-12A izay mampitohy an’i Tôlagnaro sy Vangaindrano iny. Izany dia vokatry ny fanararaotana ataon’ireo mpamily « bac » ia ... Lire la suite
Tamin’ny alalan’ny valan-dresaka ho an’ny mpanao gazety no nanambaran’I Rajosefa Andriantahina Haja tale iraisam-paritry ny Fiompiana any Toamasina fa tsy misy atahorana ny trondro izay amidy eny amin’ireo toerana nahazo alalana a ... Lire la suite
Visiteurs
612.270