“ Taona hamerenana ny ara-dàlana ity taona ity ”

05/03/2013

Nifamontoana tamin’ireo VOT (Vondron’olon-tsotra) tany Toamasina ny VOT nasionaly tarihan’i Sarah Zoe. Fifampiarahabana tratry ny taona teo amin’izy samy izy, ary famakafakana ny zava-dehibe iainan’ny firenena sy ny tolona atrehana amin’ity taona ity no votoatin’ny fihaonana. “Tsy maintsy mody an-tanindrazana ny filoha Ravalomanana, mila azy ny vahoaka malagasy”, izay ny sora-baventy narantin’ireo VOT tao Toamasina nandritra ity fihaonana nataon’izy ireo tamin’ny sabotsy tontolo andro tany Toamasina ity. Nambaran’ny filoha nasionalin’ny VOT tamin’ny lahateniny ho an’ireo mpandray anjara kosa fa “mila mandray andraikitra isika vahoaka tsotra amin’izao zava-misy iainan’ny firenentsika izao. Taona hamaranantsika ny krizy ity taona ity, taona ihany koa hamenerantsika ny ara-dalana sy tany tan-dalana amin’izay. Fikambanana sahy isika ka tsy maintsy miroso hatrany na betsaka aza ny sakana sy ny ramatahora”.

Nasongadin’izy ireo fa tanjona napetraky ny VOT manerana ny Nosy sy ny avy any ivelany ny fampodiana an-tanindrazana ny filoha teo aloha Ravalomanana sy ireo sesi-tany politika rehetra. Eo ihany koa ny fiatrehana ny fifidianana ka hamerenena azy (ny filoha teo aloha) hitantanana indray ny firenena sy hanohy ny fampandrosoana efa natomboka kanefa noravan’ny mpanongam-panjakana. Mba hanatrarana izany tanjona izany dia misy ny hikam-pitoloman’ny VOT manao hoe “tsy hiamboho adidy aho ry tanindrazako”,
Nambaran’i Sarah Zoe fa “na vevivavy aza aho mpandrindra ny VOT Madagasikara, dia sahy satria ny adidy tsy alon-dratsy ary masina ny adidy miandry amin’ny fanavotana ny Malagasy sy ny firenena”.

Nitondra ny fahitan’izy ireo ny tsy famelana an’i Lalao Ravalomanana hody hitsabo ny reniny ihany koa ny VOT nandritra ity fihaonana tany Toamasina ity. “Manameloka izany izahay hoy ny VOT. Tsy vitan’ny vehivavy sy vadina filoham-panjakana ara-dalàna I ramatoa Lalao Ravalomanana, fa ho tonga hitsambo an-dreniny marary, dia hanaovana sakana sy antsonjay ara-politika toy izao. Izao no atao hoe fitondrana mataho-behivavy, fitondrana mpanao jadona. Tehirizo any ny ankanosanareo FAT, fa ny fianakaviana Ravalomanana tsy manitsy mody na ho sakananareo lava eo aza”. Marihina fa efa tafajoro ihany koa tanora VOT Toamasina.