Raikitra ny ady eo amin’ny samy miaramila

23/03/2013

Tsy mifampatoky intsony ny samy maramila ao Toamasina ao, taorian’ny fivoahan’ilay tsiambara-telo mikasika ny namoahana fitaovam-piadiana izay fantatra fa nampiasaina tamina raharaha fakana an-keriny zanaka sinoa mpifankatia ny 26 janoary lasa teo tany an-toerana. Avy ao anivon’ny 1/RM3 Toamasina izany tsiambara-telo izany no nivoaka. Basy kalaky sy PA kosa izay teo am-pelan-tanana Serza miaramila no fotaovam-piadiana voalaza tamin’ity raharaha ity. Araka ny loharanom-baobao dia nahafantatra ity raharaha ity tsara sy nandray vola tamin’izany ireto kapiteny sy kolonely ary Serza hafa voalaza tao amin’ilay tsiambaratelo. Ny loharanom-baovao ihany koa no nahafantarana fa aaikitra ny ady totohondry teo amin’ny kolonely, “chef de corps” eo anivon’ny 1/RM3 Toamasina izay anarana voatonona tamin’ity raharaha ity, sy ny kolonely iray hafa izay noheverin’ilay voalohany fa namoaka ny tsiambaratelo izay nahatonga ny fivoahan’ny “tract” mba ho fantam-bahoaka.

Ny loharanom-baovao ihany koa no nahafantarana fa voakiana mafy ity kolonely “chef de corps” ao Toamasina ity, izay nitonon-tena ho mpitondra tenin’ny lehiben’ny tafika Malagasy ihany koa.Marihina fa nandrahona mafy ilay kolonely namany hiala eo anivon’ny toby miaramila ity vhef de corps ity. Tapitra omaly ny fe-potoana nomeny mba hialany tao amin’izany toby miaramila izany, nefa toa tsy tanteraka ihany noho ny fiarovan-tena nataon’ilay kolonely voasoketa.
Ankilan’izany, noho ny fihetsika nasehon’ity “chef de corps” ao Toamasina ity tamina manamboninahitra namany, dia mihitatra eo amin’ireo manamboninahitra hafa koa ny tsy fahafaliana ankehitriny izay miaro ny manamboninahitra hiaran’ny tsy rariny, ka hatahorana hivadika “tena ady mivantana” sy “hiafara amin’ny fifampitifirana” ny raharaha, raha tsy misy ny famahana haingana izao raharaha izao. Ankoatra izay, dia raharaha efa fantatry ny ankamaroan’ny mponina ao Toamasina ny momba ilay fakana an-keriny fototr’ity disadisa eo anivon’ny miaramila ity. Samy miandry ny fanadiadiana hivoahan’ny marina ny rehetra momba izany ny rehetra amin’izao fotoana izao. Miandry ihany koa ny fanadiadiana momba ilay basy izay efa tonga eny anivon’ny zandary misahana ny heloka be vava koa ireo basy “mampiahiahy”. Raharaha mbola hitohy izy ity, efa eny amin’ny fitsarana moa izany…