3 tapitrisa ariary no sarona, miaraka tamin’ny mpanaparitaka azy

30/10/2012

Nanamafy ny fiparitahan’ny vola sandoka eto amintsika ny kaomisera Rabenandrasana Jean Marcel, raha nampahafantatra ny fahatratraran’izy ireo ny vola sandoka mitentina 3 tapitrisa ariary mahery , omaly. Ny alarobia lasa teo no nahatratrarana ireo vola sandoka ireo izay nentin’olona nivahiny tao amin’ny trano fandraisambahiny lehibe iray teto an-drenivohitra. Olona telo no voasambotra ary voaroiroy amin’ny fanaparitahana izany vola sandoka izany.

Tsy honohono fa marina ny fisian’ny mpanao vola sandoka izay manaparitaka izany eto amintsika. Izany no nambaran’ny kaomisera Rabenandrasana Jean Marcel nandritra ny fampitam-baovao nataony mikasika ny fahatratrarana ireo vola sandoka mitentina 3 tapitrisa ariary mahery izay nisy nikasa hanaaparitaka tamin’ny herinandro lasa teo. Ny alin’ny alarobia lasa teo no nahatratrarana izany tao amin’ny hôtely lehibe iray eto Antananarivo rehefa nampandre ny mpitandro filaminana ny ahiahiny momba ireo vahiny niantrano tao amin’ny ny tompon’andraikitra tao amin’izany trano fandraisam-bahiny izany. Tonga teny an-toerana tokoa arak’izany ireo mpitandro filaminana avy amin’ny Polisim-pirenena izany nanaporofo fa tena vola sandoka tokoa no nentin’ireto olona ireto. Marihina far aha araka ny fanadihadiana nataon’ny mpitandro filaminana dia niaiky ny maha vola sandoka ireo vola nentiny ireo izy ireo. Voalaza ihany koa fa nokasaina hividianana volamena any Maevatanana ireo vola ireo, saingy izao tra-tehaka izao. Ankoatr’izay dia tovolahy iray nikasa ny hividy fahana ho an’ny findainy teny amin’ny faritr’i Mahamasina no nahatratrarana vola sandoka ny faran’ny herinandro lasa teo.
Raha araka ny fanazavan’ny kaomisera Rabenandrasana jean Marcel dia fantatra avy hatrany ny maha vola sandoka ireo vola ireo raha mandinika tsara izay mandray azy. Lelavola Iray alina ariary izy ireo. Isan’ny ahafantarana azy ny lokony izay somary matroka kokoa nohon’ny vola tena izy. Tsy hita araka ny tokony ho izy ihany koa ilay tsipika mivolom-bolafotsy izay misy amin’ny vola tena izy. Tsy mitovy ihany koa ny refin’ireo vola ireo ary tsy mitovy ny fomba nanapahana azy.
Marihana fa olona telo no voaroiroy ary efa voasambotry ny mpitandro ny filaminana mahakasika ity fanaparitahana vola sandoka eto amintsika ity. Mbola tsy voasambotra kosa ny atidoha mpanamboatra izany vola sandoka izany na dia efa notondroin’ireo mpiray tsikombakomba aminy aza.
Tokony ho mailo arak’izany ny rehetra rehefa mandray vola avy amin’olona satria tsy tery lalana ny ratsy ary mety