Journal La Nation : « La Nation » le quotidien d’informations et d’actualité, est un journal quotidien de 16 pages minimum au format standard des quotidiens Nationaux de la place. Elle est déjà sur le marché, présente à Antananarivo et dans les provinces.

Edition du

14/09/2013
N° 379

 

Recherche Journal

Archive Samihafa

Mitady fanohanana ara-bola

12/04/2013

Sady niatso ny fandraisan’anjaran’ny rehetra amin’ny dinika fampihavanana izay karakarainy, no niantso ihany koa ny fifanomezan-tanana mba hahatontosana an-tsakany sy an-davany izany dinika fampihavanana izany ny FFKM. Nambaran’izy ireo nandritra ny valan-dresaka ho an’ny mpanao gazety izay notarihiny omaly fa mahatratra 180 ireo vondrona sy fikambanana ary fiarahamonim-pirenena izay handefa solon-tena handray anjara amin’ny fihaonambe izay santarina amin’ny faha 18 avrily ho avy io. Tsy hihemotra amin’ny fanambarany ny FFKM, na dia teo aza ireo izay nanakiana sy tsy mankasitraka ity fandraisan’andrikitra izay kasain’ireo Ray aman-drenim-piangonana ireo hatao. Tsy inona izany fa ny dinika fampihavanana izay hatomboka amin’ny alakamisy 18 avrily ho avy io eny amin’ny CCI Ivato.

Nitondra fanazavana mikasika ny votoatin’izany fampihaonana izany ny filohan’ny FFKM, ny eveka Mgr Odon Arsène Marie Razanakolona, nandritra ny valan-dresaka ho an’ny mpanao gazety izay notarihiny omaly. Tamin’izany ary no nanambarany fa tsy maintsy vitaina ao anatin’ity volana avrily ity avokoa ireo fihaonana rehetra tafiditra amin’ity dinika fampihavanana tarihan’ny FFKM ity. Nambarany ihany koa fa efa nahazo ny fankatoavan’ny fitondrana tetezamita ny fanatanterahana izany. Ny tanjona, hoy ihany ny eveka, Odon Marie Arsène Razanakolona dia ny hahafahana mamolavola ny paik’ady hivoahana amin’ny krizy ary hisoroka ny fiverimberenan’izany. Izany dia hatao ao anatin’ny fenitra izay manentana ny FFKM izay tsy inona fa ny fieken-keloka,ny fibebahana, ny fahamarinana ary ny Fihavanana.
Tsara ny manamarika fa mahatratra 180 ireo solontenan’ny fikambanana na vondrona na fiarahamonim-pirenena izay efa nifampidinika tamin’ny FFKM ary handray anjara amin’izany dinika fampihavanana izany. Efa hatramin’ny volana jolay sy aogosotra tamin’ny taon-dasa no efa nandray sy nihaino azy ireo ny FFKM, raha araka ny fanazavana.
Ankoatr’izany dia fantatra ihany koa fa mahatratra 300 000 ariary isan’olona no fandraisan’anjaran’ny mpizaika amin’ity fampihaonana ity. Fandraisan’anjara izay natao mba hahafahana miatrika ny fandaniana rehetra mandritra ny fihaonambe (hofan’ny toeram-pivoriana, sakafon’ny mpizaika, fitaovana isan-karazany hampiasaina amin’ny fivoriambe). Marihina fa niantso ny malala-tanana mba hanampy azy ireo amin’ny fizakana ity dinika fampihavanana izay tarihany ity ny FFKM.

A.Ranaivo
Tag :

Rehefa tsy hita nandritra ny telo andro, raha niala ny tranony I Rakotovao Rakotoson na I Saonina , monina ao ilanivato Anosipatrana ny marainan’ny asabotsy lasa teo araka ny nambaran’ny fianakaviany, dia ny fatiny no hita nanamo ...

Notanterahana ny tolakandron’ny alakamisy 12 septambra teo, tao amin’ny efitrano fivorian’ny minisiteran’ny Filaminam-bahoaka Anosy ny fanaovan-tsonia fiaraha-miasa eo amin’ny Polisim-pirenena Malagasy sy ny Komity iraisam-pirenen ...

Nanatanteraka atrik’asa omaly tolakandro tetsy amin’ny foiben’ny « Pacte » na vondrona manohana ny fifidianana amin’ny mangarahara izay etsy Ankorondrano, niarahana tamin’ny KMF CNOE na ny komity misahana ny fifidiana ...

Nivoaka tamin’ny fahanginany avokoa ireo kandidà nahiliky ny CES tsy ho isan’ireo mpihazakazaka amin’ny fifidianana filoham-pirenena kasaina hatao amin’ny faha-25 oktobra 2013 ho avy izao. Fotoana fohy taorian’ny namoahan’n ...

Naneho ny heviny momba ny fazoan’ny banky iray any Maorisy ny petra-bola 51% ao amin’ny banky BNI eto Madagasikara i Serge Zafimahova. Araka ny heviny dia fivarota-tanindrazana no nataon’ny fitondram-panjakana Malagasy tamin’ny na ...

Teratany maorisiana ny iray ary Indiana ny faharoa, Malagasy kosa ny fahatelo. Izy telolahy ireo no indray nosamborin’ny mpitandro filaminana avy ao amin’ny Polisim-pirenena ao Tsaralalana noho izy ireo voaroiroy amin’ny fampiasan ...

Raha ny fantatra dia voalaza fa efa tonga tao amin’ny tahirim-bolam-panjaka tao Antsirabe ireo vola karaman’ireo sefo fokontany. ...

Tonga eto Antananarivo, ary nanao fanambarana an-gazety ireo mpikambana ao amin’ny « Plateforme du Grand Melaky”. ...

Misedra olana indray amin’izao fotoana ireo mpandeha fiarakodia amin’iny lalam-pirenena faha-12A izay mampitohy an’i Tôlagnaro sy Vangaindrano iny. Izany dia vokatry ny fanararaotana ataon’ireo mpamily « bac » ia ...

Tamin’ny alalan’ny valan-dresaka ho an’ny mpanao gazety no nanambaran’I Rajosefa Andriantahina Haja tale iraisam-paritry ny Fiompiana any Toamasina fa tsy misy atahorana ny trondro izay amidy eny amin’ireo toerana nahazo alalana a ...