Tafaverina velona ny DG-ny Henri Fraise

20/04/2013

Tamin’ny alatsinainy hariva nisy olona efa-dahy mirongo fiadiana kalachnikov sy poleta tonga nanafika an’i François Raphaël, Tale Jeneraly ao amin’ny Sté HENRI FRAISE orinasa isan’ireo vaventy eto andrenivohitra. Sendra tao anaty fiarany ny lehilahy no azon’izao herisetra izao. Ny Alakamisy teo dia novotsoran’ireto olon-dratsy ny lehilahy rehefa nisy vola naloa natao takalon’aina.

Efa matetika moa no mpiseho itony fakana olona an-keriny itony na eto Antananarivo na any amin’ny faritra. Isany asa ratsy mahaliana ireo dahalo amin’ireo tanàna lahibe sahala amin’ny Toamasina izy ity. Vao tsy ela akory izao dia nisamboaravoara ny renivohitrin’ny Betsimisaraka satria nisy raharaha fangalaran-jaza izay nahazoan’ireo olon-dratsy volabe mihitsy. Ary dia novotsorany soa aman-tsara ihany koa ireo tanora zanakin’ny mpanana nogiazin-dry zareo tany. Araka ny vaovavao mari-pototra azo avy any dia fitaovan’ny miaramila eo an-toerana no nampiasain-dry zalahy tamin’izao asa maloto izao. Ary dia mbola tsy hita ny tena marina satria misy ny miezaka mba hampadmoka ny famotorana mikasika azy io.
Raha ity zava-nitranga teto andrenivohitra ity kosa no resahina dia fantatra ary izao fa diso fiantefa ilay fakana an-keriny an’i François Raphaël ity. Tsy nisy herisetra mihitsy nihatra tamin’ny araka ny voalazany rahefa novotsorana izy. Ary marihiny fa ireo olon-dratsy dia nifandray hjatrany taminy vadiny nandritra izany rehetra izany. Tamin’izany no nahafantarana fa diso fiatefa ihany ilay fakana an-keriny satria nanazava ireo jiolahy rahefa novotsorana ilay azo sambotra. Raha ny voalazan’ireto olon-dratsy dia olona hafa mihitsy no lasibatra tamin’izao fa tsy ilay olona azon-dry zareo. Raha ny tena izy dia ilay PDG ny orinasa Henri Fraise mihitsy no nokendrena hatao fakana vola raha voasambotra. Mivahiny any ivelany amin’izao fotana izao io olona io. Marihina fa sahala amin’ny tena niala tsiny mihitsy ry zareo. Marihiny moa teny amin’ny manodidina ny faritra Ilafy no nisehoan’ireo tantara. Tsy namelan-dry zalahy raha tsy nandoa vola onitra tokony haloa. Mitentina 300.000 Euro ny fitakiana tamin’ny volohany. Ary sambany izao no nisy tera-tany frantsay nihari-javatra toy izao. Teo amin’ny famotorana antao taminy no nahafantarana fa tsy mahala na kely akory amin’ny endrik’ireo mpanao satria napanaovina saro-tava manakona azy tsy hahita na inona na inona ity olona ity ka tsy misy fantany ny mombamoba ireo olon-dratsy.
Mampihorohoro izao teo-javatra izao satria tena mbola tafiditra amin’ireo asan-jiolahy mitranga matetika eto Andrnivohitra.