Journal La Nation : « La Nation » le quotidien d’informations et d’actualité, est un journal quotidien de 16 pages minimum au format standard des quotidiens Nationaux de la place. Elle est déjà sur le marché, présente à Antananarivo et dans les provinces.

Edition du

14/09/2013
N° 379

 

Recherche Journal

Archive Samihafa

Tsy mbola misy resaka eny anivon’ny fokontany

18/05/2013

Roa vola sisa dia higadona ny fifidianana ho filoham-pirenena. Hatramin’izao anefa dia tsy mbola nisy toromarika milatsaka eny anivon’ireny fokotany ireny.

”Tsy mbola nisy hatramin’izao mana-pahefana na tompon’andraikitra mikarakara manokana ny fifidianana tonga tety anivon’ny fokotany misy anay, hanoro izay toromarika mety ilaina amin’ny fifidianana nefa efa roa volana sisa”, hoy Solofonirina Soloniaina, sefom-pokotany Ambohibary Antanimena. Hatao resaka matotra araka izany ve ny fifidianan sa atao vonjy tavan’andro ? “Misalasala izahay satria tsy hita izay ambara amin’ireo olona rehefa tonga manontany ety izy. Na ny tokony hataonay aza tsy fantatray marina. Ny volana aprily lasa teo izao no mba nisy ny fanaovana kara-panondro faobe ary izay no namparisika ny olona maro teto an-toerana, tsy hay na hifidy izy ireo na entiny tahotra fotsiny. Tsikaritra ihany koa fa ireo olona sahirana, indrindra amin’ny fidirana am-birao no tena maro an’isa tamin’izany”, nanamafy hatrany ramatoa Soloniaina.
Lalan-kely
“Fokontany 3 anatin’ny 34, dia Besarety, Tsaramasay, Ankazomanga Andraharo irery ihany hatramin’izao no mbola nahazo ny valin’ny fangatahana hanatanterahana ny tetikasa lalan-kely. Tsy fantatra ny paikady hatao mba hazahoana ny valin’ny tetik’asa fa dia mbola tsy nahazo izahay hatramin’izao ”, hoy ny sefom-pokotany. Inona marina ary ny fepetra ahazoana valiny mahafa-po amin’ny fanjakana raha resaka tetik’asa no asin-teny satria raha ny faritra 34, dia telo amin’izy ireo ihany no nahazo valiny. ”Ny an’ny faritra Ambohibary zao dia efa nataonay ny tombam-bidy ary nosandaina farany ambany izany nefa mbola tsy nahitana valiny akory na ho eny na ho tsia”, nanatitrantitra i Solofonirina.
Vary mora
Tsy nahenoana resaka intsony ny mahakasika ny tsena mora efa ho volana maro izay. ”Tsy nisy intsony ny vary mora efa hatramin’ny volana febroary. Tsy fantatra izay antony fa dia nijanona tanteraka hatreto iny resaka tsena mora iny”, hoy hatrany ramatoa Soloniaina Sefom-pokotany Ambohibary Antanimena. Asa na variana loatra amin’ny raharaha politika ny mpitondra na tena tsy fitsinjovana ny vahoaka madinika mihitsy fa adino avokoa ireo asa sy andraikitra tokony hataony eny amin’ny faritra sy eny anivon’ny vahoaka. Lasa toa zary ambony latabatra sisa no ahitana azy ireo.

Tag :

Rehefa tsy hita nandritra ny telo andro, raha niala ny tranony I Rakotovao Rakotoson na I Saonina , monina ao ilanivato Anosipatrana ny marainan’ny asabotsy lasa teo araka ny nambaran’ny fianakaviany, dia ny fatiny no hita nanamo ...

Notanterahana ny tolakandron’ny alakamisy 12 septambra teo, tao amin’ny efitrano fivorian’ny minisiteran’ny Filaminam-bahoaka Anosy ny fanaovan-tsonia fiaraha-miasa eo amin’ny Polisim-pirenena Malagasy sy ny Komity iraisam-pirenen ...

Nanatanteraka atrik’asa omaly tolakandro tetsy amin’ny foiben’ny « Pacte » na vondrona manohana ny fifidianana amin’ny mangarahara izay etsy Ankorondrano, niarahana tamin’ny KMF CNOE na ny komity misahana ny fifidiana ...

Nivoaka tamin’ny fahanginany avokoa ireo kandidà nahiliky ny CES tsy ho isan’ireo mpihazakazaka amin’ny fifidianana filoham-pirenena kasaina hatao amin’ny faha-25 oktobra 2013 ho avy izao. Fotoana fohy taorian’ny namoahan’n ...

Naneho ny heviny momba ny fazoan’ny banky iray any Maorisy ny petra-bola 51% ao amin’ny banky BNI eto Madagasikara i Serge Zafimahova. Araka ny heviny dia fivarota-tanindrazana no nataon’ny fitondram-panjakana Malagasy tamin’ny na ...

Teratany maorisiana ny iray ary Indiana ny faharoa, Malagasy kosa ny fahatelo. Izy telolahy ireo no indray nosamborin’ny mpitandro filaminana avy ao amin’ny Polisim-pirenena ao Tsaralalana noho izy ireo voaroiroy amin’ny fampiasan ...

Raha ny fantatra dia voalaza fa efa tonga tao amin’ny tahirim-bolam-panjaka tao Antsirabe ireo vola karaman’ireo sefo fokontany. ...

Tonga eto Antananarivo, ary nanao fanambarana an-gazety ireo mpikambana ao amin’ny « Plateforme du Grand Melaky”. ...

Misedra olana indray amin’izao fotoana ireo mpandeha fiarakodia amin’iny lalam-pirenena faha-12A izay mampitohy an’i Tôlagnaro sy Vangaindrano iny. Izany dia vokatry ny fanararaotana ataon’ireo mpamily « bac » ia ...

Tamin’ny alalan’ny valan-dresaka ho an’ny mpanao gazety no nanambaran’I Rajosefa Andriantahina Haja tale iraisam-paritry ny Fiompiana any Toamasina fa tsy misy atahorana ny trondro izay amidy eny amin’ireo toerana nahazo alalana a ...