Azo ampandrosona haingana an’i Madagasikara

01/06/2013

« Azo hampisondrotra an’i Madagasikara amin’ny sehatra avo kokoa ny fiompiana, indrindra fa eo amin’ny farim-piainan’ny olona tsirairay”. « Ny mampalahelo amin’ny toe-draharaha misy dia ny tombotsoa rehetra izay tokony ho an’ny malagasy dia lasan’ireo nosy rahavavy avokoa.

Ohatra amin’izany ny fanondranana akoho fankana nofo, izay mahatratra 30.000 taonina isa taona no hafaran’ny kaomaoro any Bresil. Isika eto akaiky eto ve dia tsy hahasehaka an’izany ? », hoy Bebe Razaiarimanana sekretera raikitra ny PADR na ny praograma manokana misahana ny fampandrosoana. Omaly maraina no nanatanterahana ny famelabelaran-kevitra arahina ady hevitra niarahana tamin’ny mpanao gazety sy ireo voakasika manokana ny fiompiana ary ny avy ao amin’ny PADR. Raha ny fantatra dia zara raha nisy ny vola natokan’ny fanjakana hikarakarana ny fiompiana tamin’ity taona ity satria dia 0,2 % fotsiny . Tsy nahazo sehatra malalaka loatra ny fiompiana nefa ny tsara ho fantatra dia anisan’ny làlana mitondra amin’ny fampandrosoana izy lafim-pihariana iray io. Tsy nisy ny famatsiam-bola azo tamin’ity hetsika ity fa ny fanapahan-kevitra no niarahana tamin’ny PADR amin’izay tokony hatao.
Nihena ny vokatra
Raha hoarina ny tamin’ny taona 1999, ny isan’ny omby dia mahatratra 850.000 ka nihinana 14kg hena isan’olona isa-taona ny vahoaka, raha toa kosa ka nihena ho 800.000 izany ny taona 2010. Nihendanja hatrany ny vokatra fiompiana eto Madagasikara. Ny taona 70 ihany koa ohatra dia saiky nitovy tamin’ny isan’ny mponina ny isan’ny omby. « Tsy mahagaga raha toa ka mitotongana ny fari-piainan’ny Malagasy satria variana loatra amin’ny raharaha politika ny mpitondra dia sahala amin’ny biby tsy misy loha ny firenena », hoy hatrany Bebe Razaiarimanana. Nahoana moa ny fiompiana no tena asian-teny ? Satria raha ny fambolena dia anisan’ny ratsy tamin’ity taona ity raha ny loharanom-baovao. Eeo ihany koa ny hasomparan’ny valala izay nandripaka ny voka-bary farany teo. Ny volana septambra anyhow any no tena ahina mafy izany fahasahiranana izany.