« Tac tac ta quéquette » !

12/10/2012

Fanafody fanabeazana haizana miisa 4.000 fanomezana avy amin’ny ONU no nisy nanodina araka ny vaovao navoakan’ny AFP. Efa tsy azo ampiasaina intsony anefa izy ireo satria tsy nanaraka ny fepetra tokony hitehirizana azy ny toerana nanatobiana azy. Tsy nanam-bola nandoavana ny saran’ny ladoany intsony ny Marie Stopes ka izany no antony nahatonga ny fitarazohan’ny fijanonan’ireo fanafody fanabeazana haizana ireo tany amin’ny ladoany. Toa hoe novidian’izany mpivarotra tsy miankina izany ireo fanafody ireo ary dia naparitaka manerana ny « tsena ».

Fanafody fanabeazana haizana miisa 4.000 fanomezana avy amin’ny ONU no nisy nanodina araka ny vaovao navoakan’ny AFP. Efa tsy azo ampiasaina intsony anefa izy ireo satria tsy nanaraka ny fepetra tokony hitehirizana azy ny toerana nanatobiana azy. Tsy nanam-bola nandoavana ny saran’ny ladoany intsony ny Marie Stopes ka izany no antony nahatonga ny fitarazohan’ny fijanonan’ireo fanafody fanabeazana haizana ireo tany amin’ny ladoany. Toa hoe novidian’izany mpivarotra tsy miankina izany ireo fanafody ireo ary dia naparitaka manerana ny « tsena ».
Mazava aloha izany hatreto ny resaka fa miaina ao anatin’ny fahasahiranana vokatry ny krizy ny sehatra rehetra tsy an-kanavaka. Mazava ihany koa fa tsy laharam-pahamehana ho an’ny Tetezamita ny resaka Fahasalamam-bahoaka matoa tsy niditra an-tsehatra namaha ny olana teny anivon’ny ladoany, mba nahafahana namoaka ireo fanafody ireo izay tena ilain’ny fiarahamonina tokoa amin’izao fotoana mampirongatra ny fivarotan-tena, taorian’ny fikatonan’ireo orinasa tsy miankina maro ary indrindra ny fiatoan’ny AGOA. Resabe sy fampandriana hadrisa fotsiny ny kabarin’ny filoha Rajoelina amin’ity hôpitaly manara-penitra ity. Fanafody fanomezana avy amin’ny ONU izao aza izao no nihafarany!
Mazava ihany koa fa mandeha tahaka ny mofodipaina ny fanafody fanabeazana haizana matoa nisy mpivarotra sahy nividy izany fanafody miisa 4.000 izany. Tsy mahagaga io trangan-javatra iray; tokony mba miserana indray alina eny amin’ny Avenue de l’Indépendance ny filoha Rajoelina, mitazana ireo zanaka Malagasy manao makorelina noho ny izao krizy tsy mety hahitam-bahaolana izao. Tsy mba isan’ireo tovovavy sy renim-pianakaviana voatery mivaro-tena tsy fidiny tokoa angamba ny fianakavian’ny mpitondra Tetezamita ka izany no antony mahatonga azy ireo tsy hiraharaha na hifandefitra amin’izay hevitra hamaranana izao krizy izao ! Mety ho izy ireo mihitsy aza no tena mpanjifa goavana satria any amin’izy ireo no misy ny vola.
Dia mbola sahy milaza ihany ve ireto mpanao politika eto amintsika ireto fa tena tia tanindrazana, eo anatrehan’izany fahalovana sy faharavan’ny fiaraha-monina Malagasy izany? Firaisana ara-nofo ve sisa no vahaolana hihinana vary iray lovia sa izay ilay fanovàna nampanantenain’ny filoha Rajoelina ny vahoaka teny amin’ny kianjan’Ambohijatovo sy ny kianjan’ny 13 may? Mbola izay firaisana ara-nofo izay ihany koa no lasa fitaovana manamora ny fanaovan-tsonia, fanomezana “tsena”, famahana ny olana rehetra.
Mahalala tsara izany fahalemen’ny fiaraha-monina Malagasy nandritra izay telo taona nitondran’ny filoha Rajoelina izay ireo manam-pahaizana eo amin’ny sehatry ny varotra sy ny fifanakalozana. Manome vahana ny zava-dratsy rehetra toa ny loka, fidorohana ary ny fimamoana rahateo koa ny governemanta ka tsy tokony hatao mahagaga mihitsy ny fahitana takelaka dokam-barotra manentana sy mamporisika ny olona hanao firaisana ara-nofo sy haka tsirony amin’izany toa ny hoe : « je tac tac ta quéquette » !