Samy mandeha samy mitady e !

26/03/2013

“Mila namana ve ramose a? Ataoko daholo izay tianao sady tsy lafo!”, hoy ity tovovavy vao 19 taona tamin’ilay mpamily fiara, nikasa hividy pizza teo Analakely. Tsy rototra teo anatrehan’izany anefa ilay mpamily. Nakatony ny varavaran’ny fiarany dia iny izy no nizotra teo amin’ilay pizzeria. Nandrasan’ilay tovovavy mihitsy anefa ilay rangahy raha iny niverina namonjy ny fiarany iny ka teo no nahitany ny hatsarana na bika na endrik’ity taranaky Eva ity. “Maninona aho raha mba miaraka aminao?”, hoy indray ilay zazavavin’ny alina. Indraindray resin’ny fakam-panahy ao anatin’ny segondra tsy ampoizina ny olona. “Les hommes sont toujours vulnérables leisy a !”, hoy ilay zokibe iray izay.

Dia niakatra tao anaty fiara tokoa ilay tovovavy sady nandrehitra ny Good Look teny aminy. “Niady tamin’ny madama angaha no mandeha irery amin’ny alina tahaka izao?”, hoy izy nanatsafa. Toa tsy ren’ilay rangahy intsony ny fanontaniana napetraka taminy. Izay hahitany toerana mangiana sy milamina no masaka tao an-tsainy. Novelominy avy hatrany ny fiara dia nizotra nihazo an’Andraharo izy ireo. Maro an’ireny efitrano fandriam-bahiny ireny tokoa mantsy iny toerana iny sady tsy dia betsaka mpivezivezy rahateo koa amin’ny alina. “Toa tsy mihinana akory ianao, laniko eo daholo ireo an!”, hoy indray ilay tovovavy, niezaka ny hanapaka ny fahanginana tao anaty fiara. Tsy mbola nahitan-teny ihany anefa ilay rangahy, ny lalana no nataony tsara jery ary sasatra mitazana ireo takela-by manamorona ny sisin-dalana ny masony, tahaka ireny mitadidy ny lasa ireny.
“Tsy afaka mijanona mihoatra ny amin’ny efatra ora maraina aho fa mbola manana fotoana amin’ny correcteur-ny mémoire-ko rahampitso”, hoy izy sady nanala ny fitafiany. Efitrano natokana hijangajangana no nidiran’izy roa. Tsy misy afatsy fandriana sy latabatra kely ary seza miisa roa. Mitambatra ny fivoahana ny trano fandroana ary toa efa fantatry ny tompon’ny hotely fa tsy maintsy olon-droa no miditra ao amin’izany efatrano izany noho ny fisian’ireo “serviette” miisa roa mihatona eo amin’ny fiankinan’ny seza. Izay vao niloa-bava ilay rangahy toa ireny olona lavitry ny adin-tsaina sy ny tebiteby ireny: “fa inona no ataonao?”. “4e année amin’ny gestion aho, dans un mois eo aho no tokony hi-présenter ny thèse-ko. Kamboty zahay dia sady mianatra no mitady vola”, hoy ilay tovovavy sady nandady nihanika ny fandriana. Samy mandeha samy mitady e!