Journal La Nation : « La Nation » le quotidien d’informations et d’actualité, est un journal quotidien de 16 pages minimum au format standard des quotidiens Nationaux de la place. Elle est déjà sur le marché, présente à Antananarivo et dans les provinces.

Edition du

14/09/2013
N° 379

 

Recherche Journal

Archive KOF'ROC

Ra-Jeannot

22/05/2013

Diabe manara-penitra (tohiny) Feno herinandro izao no niverenan-dRajeannot teny Itaosy. Resy lahatry ny lainga sy ny blablabla teo bebe Rabako ka dia nanaiky ny hanome azy ny lakilen’ny trano; tsy mbola nisy mpanofa rahateo koa ka nanamora zavatra. Naloany avokoa ireo hofantrano tany aloha, nefainy ny trosan-toaka sy saribao. Avy namita asa tany amin’ny Faritany, izay no fahafantaran’ny ao an-tanàna an-dRajeannot. Ny sasany aza vaky vava mihitsy hoe “lasa deba be Ra-Jeannot, sôsy fotsiny any am-paosiny”.

Ny vola tokoa no maha rangahy. Ireo izay nilanja orona isaka ny mifanena aminy toa lasa miramirana izany, ireo mpanakora nisafidy nanakombona ny vavany ary ireo mpila ranondranony kosa manaka-dresaka. Ilay 15 millions irery dia ampy nanova zavatra maro teo amin’ny fiainan-dRajeannot, nibaribary taminy nanomboka teo ny sekren’ny fiainana: “tsy mahagaga mihitsy raha mifikitra amin’ny sezany amin’ny fomba rehetra ireto mpanao politika ireto. Azo hiondankondanana hatramin’ny voay tokoa rehefa eo ra-Vola, mainka fa miampy fahefana!”.
Areti-mifindra sarotra sitranina ny tazom-pahefana sy ny tazom-bola. Jereo fotsiny ireto miaramila sy manamboninahitra eto amintsika ireto. Tsy henatra tsy tahotra, mitonona ho mathinanina, mpiaro ny ain’ny olona sy ny fananany, kanefa robot iraky ny fitondrana mampihorohoro izay rehetra tsy mitovy hevitra aminy. Iza no tsy mahalala fa niroborobo aoka izany ny harenan’ireo jeneraly sy kolonely mpomba ny fitondrana HAT, notohanam-potsiny mihitsy ny fahasoavana teo amin’ny miaramila sy ny mpitandro filaminana nandritra izay efatra taona izay. Vao manetsi-bolo-maso fotsiny dia efa iny ny vola be miraraka tahaka ny fasika. Indraindray latsa-panenenana nandeha nanovo fianarana nandany fotoana tany an-tsekoly, milanja kalachnikov iray fotsiny anefa dia azo antoka ny sôsy be.
Niverina ho isan’ny mpiandry bus vao maraina indray Ra-Jeannot. Efa ela no tsy nanitsahan’ny tongony izany taxi-be izany. Ohatra ny olona ery ny tenany manao an-kisisika, nanjary fahafinaretana ho azy mihitsy izany. Niniany navoaka avokoa ireo vola rehetra tany am-paosiny mba ho hitan’ny mpandeha; voninahira ho azy ny mandre ny tenin’ilay “aide-chauffeur” nanao hoe : “tsy misy madinika iny ramose a!”. Tantara hafa ankoatra ny an-kisisika vao maraina tokoa aloha ity tsy fisian’ny vola madinika amin’ny saran-dalana ity. Vitan’ireo mpitatitra sasan-tsasany mihitsy ny mampidina mpandeha vokatr’izay tsy fisian’ny madinika hatao famerim-bola izay. “Ka tsy manana afatsy 50.000 fmg aho ry zandry a! Ireo hitan’ialahy ireo ny vola aty amiko”, hoy Ra-Jeannot matin’ny hambony.

Roc
Tag :

Kandidà vitsy ihany aloha izao no maneho ny fahavononany hiatrika ny fifidianana izay hatao amin’ny faha-25 oktobra 2013. Maro amin’izy ireny no mahazo fanankianana fa manao propagandy mialohan’ny fotoana. Mahalasa saina ih ...

Dia mbola sahy hilaza ve ny CENIT, indrindra ny filohany fa fifidianana hanjakan’ny mangarahara tanteraka ity hatao eto Madagasikara ity? Ary sahy hilaza ve izy fa hankatoavin’ny rehetra ny vokam-pifidianana hivoaka eo? Sao dia io ...

Nilaza hiverina hanatanteraka ny fisamborana an’i Alain Ramaroson ireo mpitandro filaminana. Gaga teo ny rehetra fa tsy sahy nipoitra intsony. Toa manamafy izay nambara teto amin’ny La Nation izao zava-misy izao. Sineman’ny mpiton ...

Fety aman-danonana telo sosona be izao no nanamarika ity herinandro madiva hifarana ity: ny fitokanana ny kianjan’Antsonjombe sy ny fankalazana ny datin’ny 11 desambra ary ny kianja fanaovana rugby izay hotokanana androany raha ny ...

Mifampanontany tena avokoa ny mpanara-baovao rehetra manoloana ny fahanginana tampok’ireo mpanao politika ary ireo tangalamena, mikasika ny raharaha Zakariasy Patrick. Fa nisy inona tany ambadika tany ? Isan’ny raharaha nafana tok ...

Noheverina hitondra inona teo amin’ny asa fanaovan-gazety sy ny filazam-baovao ny fahatongavan’i Harry Laurent Rahajason na Rolly Mercia teo amin’ny sezan’ny ministeran’ny Serasera, ilay mpanao gazety teo aloha niseho ho saro-piar ...

Niato nandritra ny segondra vitsy ny fitempon’ny fo raha nandre ny amiraly niantso ny jeneraly Ravalomanana Richard tamin’ny anaram-boistra hoe « jeneraly bômba ». Fahasahiana tsy roa aman-tany ny an’ny filoha te ...

Tsy manaiky ho diso izany mihitsy ny mpanao politika eto amintsika na dia hita izao aza fa tsy nitondra tombotsoa na fandrosoana ho an’ny firenena. Antoko firy izay nilaza azy ho matanjaka sy manana ny maha izy azy teto izay fa to ...

Dia niverina indray ny resaka bômba rehefa tonitony kely izany tato anatin’ny roa taona latsaka kely. Mazava ny resaka, tafita ny hafatra ary tsy hiadian-kevitra intsony fa tena ilaina tokoa ilay vola 35 miliara Ia notakian’ ...

Miverina eny ambony kianja indray “ra-bômba” isaka ny tojo sampanan-dalana ny fiainam-pirenena. Tsy bômba tahaka ny fahita any ivelany mandrodana building sy mahafaty olona am-polona na an-jatony mihitsy aza ny antsika ...